خواب نہیں تقدیر پر یقین رکھتی ہوں، زائرہ وسیم


خوشی ہے کہ لوگ میری فلمیں پسند کررہے ہیں، دنگل ادکارہ  - فوٹو: فائل

خوشی ہے کہ لوگ میری فلمیں پسند کررہے ہیں، دنگل ادکارہ – فوٹو: فائل

 ممبئی: بالی ووڈ بلاگ بسٹر فلم ’دنگل‘ سے کامیابی کی بلندیوں کو چھونے والے اداکارہ زائرہ وسیم کا کہنا ہے کہ خواب نہیں بلکہ تقدیر پر یقین رکھتی ہوں اور جو قسمت میں ہو وہ ضرور حاصل ہوتا ہے۔ 

بالی ووڈ کے تینوں خانز کے حوالے سے مشہور ہے کہ وہ جس ادکارہ کو بھی انڈسٹری میں متعارف کرواتے ہیں ان میں سے بہت کم ایسی ہیں جنہیں اپنے کیریئر میں ناکامی کا سامنا کرنا پڑے اور پھر بالی ووڈ کے مسٹرپرفیکشنٹ جس کا ہاتھ تھام لیں تو اس کی کامیابی تو یقینی ہے، ایسا ہی کچھ ہوا فلم ’دنگل‘ کی سپر اسٹار زائرہ وسیم کے ساتھ بھی جنہوں نے اپنی پہلی فلم سے کامیابی کی وہ منزل طے کی ہے جس کا ہر کوئی خواب دیکھتا ہے۔

عامر خان کی نئی فلم ’سیکریٹ سپر اسٹار‘ میں بھی زائرہ وسیم نے اپنی ادکاری سے انڈسٹری کو اپنی طرف متوجہ کیا،فلم میں انہوں نے  ایسی لڑکی کا کردار ادا کیا جو اپنے باپ کی مخالفت کے باوجود گلوکاری کا خواب پورا کرنے کے لیے بہت محنت کرتی ہے اور اس دوران اسے کئی مشکل مراحل سے بھی گزرنا پڑتا ہے لیکن اس کے باوجود وہ ہمت نہیں ہارتی۔

اس خبر کو بھی پڑھیں؛ ’’سیکریٹ سپر اسٹار‘‘ پر کمال رشید اور عامر خان کے درمیان تنازع

بھارتی میڈیا رپورٹس کے مطابق زائرہ وسیم  نے اپنی 17ویں سالگرہ منائی جس میں عامر خان نے بھی شرکت کی، اس موقع پرانٹرویو کے دوران جب اداکارہ سے ان کے خواب کے بارے میں پوچھا گیا تو انہوں نے کہا کہ میں خواب نہیں تقدیر پر یقین رکھتی ہوں اور قسمت میں جو  لکھا ہوتا ہے وہ ضرور حاصل ہوتا ہے جب کہ جو کچھ ہونا ہوتا ہے وہ بھی ضرور ہوکر رہتا ہے، اس سے آپ کو کوئی نہیں روک سکتا۔

زائرہ کا کہنا تھا کہ مجھے اس بات کی خوشی ہے لوگ میری فلمیں پسند کررہے ہیں لیکن اس میں صرف میرے اکیلے کا کمال نہیں بلکہ پوری ٹیم کی محنت شامل ہے۔



Source link