کرینہ کپور نے نئی فلمیں سائن کرنا چھوڑ دیں


تیمور کو وقت دینا چاہتی ہوں، کرینہ کا فلم سازوں کو جواب ۔ فوٹو : فائل

تیمور کو وقت دینا چاہتی ہوں، کرینہ کا فلم سازوں کو جواب ۔ فوٹو : فائل

 ممبئی: کرینہ کپور خان نے نئی فلمیں سائن کرنا چھوڑ دیں اور اس کی وجہ ننھا تیمور ہے۔

بھارتی میڈیا کے مطابق کرینہ کپور خان ان دنوں ’’ویرے دی ویڈنگ‘‘ کی شوٹنگ میں مصروف ہیں اور یہ فلم انہوں نے تیمور کی پیدائش سے پہلے سائن کی تھی لیکن اب یہ بات سامنے آئی ہے کہ انہوں نے نئی فلمیں سائن کرنا چھوڑ دی ہیں۔

اس خبر کو بھی پڑھیں :کرینہ کپور نے دبئی میں کاروبار شروع کردیا

فلم سازوں کو ان کی جانب سے جواب دیا جارہا ہے کہ وہ یا تو کسی اور اداکارہ کو اپنی فلم می شامل کریں یا پھر مارچ 2018 تک انتظار کریں کیوں کہ وہ تیمور کو وقت دینا چاہتی ہیں۔

واضح رہے کہ کرینہ کی فلم ’’ویرے دی ویڈنگ ‘‘ مئی 2018 میں ریلیز ہوگی جس میں کرینہ کے علاوہ سونم کپور بھی مرکزی کردار نبھائیں گی۔



Source link